FAQ

1. Övladlığa götürmək istəyən şəxsin (şəxslərin) uçota alınması;
2. Övladlığa götürmənin uşağın mənafeyinə uyğunluğunun müəyyən edilməsi;
3. Övladlığa götürmə barədə məhkəmə qərarının qəbul edilməsi.

1. Övladlığa götürmək istəyən şəxslə (şəxslərlə) müsahibə aparılması;
2. Övladlığa götürmək istəyən şəxsin (şəxslərin) təlimlərə cəlb edilməsi;
3. Övladlığa götürmək istəyən şəxsə (şəxslərə) uyğun uşağın, övladlığa götürülən uşağa uyğun valideynin seçilməsi;
4. Övladlığa götürülən uşaqla övladlığa götürmək istəyən şəxsin (şəxslərin) uşağın yerləşdiyi müəssisədə görüşünün təşkili;
5. Övladlığa götürülən uşağın sınaq müddətində uşağı övladlığa götürmək istəyən şəxsin (şəxslərin) evində yerləşdirilməsi.

Nazirlik sınaq müddətinin sonunda övladlığa götürmə ilə bağlı bütün mərhələlərin nəticəsinə uyğun olaraq övladlığa götürmənin əsaslandırılması və övladlığa götürülən uşağın mənafeyinə uyğunluğu haqqında 7 (yeddi) iş günü müddətində rəy hazırlayır. Rəyin hazırlanmasında övladlığa götürmə mərhələləri ilə bağlı sosial işçilərin hazırladıqları hesabatlar (rəylər), valideyn-namizədin təlim nəticələri, eləcə də övladlığa götürülən uşaqların istək və mənafeləri nəzərə alınır. Rəy sənədlərlə birlikdə məhkəməyə təqdim edilir. Övladlığa götürmək istəyən şəxsin (şəxslərin) və övladlığa götürülən uşaqların hüquq və vəzifələri məhkəmənin uşağın övladlığa götürülməsinin müəyyən olunması barədə qətnaməsinin qanuni qüvvəyə mindiyi gündən yaranır.

Qohumların siyahısında olan (bacı, qardaş, nənə, baba, valideynlərin bacı və qardaşları və onların övladları) şəxslər uçota alınır, uçot zamanı onlar barəsində yalnız sağlamlıq və məhkumluğu haqqında məlumatlar əldə edilir və müsahibə keçirilir.

Həmin şəxslər xarici ölkə vətəndaşlarına bərabər tutulur və bu şəxslərə əcnəbi və ya vətəndaşlığı olmayan şəxslərlə eyni şərtlər nəzərdə tutulur.

Uyğunlaşdırma və müəssisədə uşaqla görüş üçün müəyyən edilmiş müddət bitdikdən sonra sosial işçinin hesabatı əsasında Sosial Xidmətlər Agentliyi tərəfindən uşağın övladlığa götürmək istəyən şəxsin (şəxslərin) ailəsində 3 ay sınaq müddətində müvəqqəti yerləşdirilib-yerləşdirilməməsi barədə qərar qəbul edilir. Bu zaman ərzində uşaqlarla iş üzrə sosial işçi ilk həftədə ən azı üç dəfə, növbəti həftələrdə isə bir dəfədən az olmayaraq ailəni ziyarət edir və valideyn-namizəd və uşaq arasındakı münasibətlərin, uşağın ailədə ümumi vəziyyətinin monitorinqini aparır. Uşağın ailədə yerləşdirilməsinin monitorinqini aparan sosial işçi valideyn-namizədlə uşaq arasında münasibətlərin qurulmasında çətinlikləri olduğu halda onlara köməklik göstərir. Sınaq müddəti zamanı uşağın ölkə hüdudlarından çıxarılmasına yol verilmir.

Övladlığa götürülmə məhkəmə tərəfindən təsdiq edildikdən sonra uşaq 18 yaşına çatanadək övladlığa götürülmənin ilk ilində hər rüb, növbəti illərdə isə ildə bir dəfədən az olmayaraq monitorinq aparılır. Monitorinq zamanı, ailənin ümumi yaşayış şəraiti (təmizlik və sanitar-gigiyenik vəziyyəti), ailənin maddi vəziyyəti, uşağın tibbi və psixi sağlamlıq vəziyyəti; övladlığa götürənlərin tibbi və psixi sağlamlıq vəziyyəti, ailədə uşağa qulluq və qayğı vəziyyəti yoxlanılır.

Valideyn-namizədin xahişi ilə övladlığa götürülən uşağa valideyn-namizədin soyadı və yeni ad verilir. Valideyn-namizəd kişidirsə uşağa ata adı onun adı ilə, qadındırsa uşaq barəsində uşağın atasının hüquq və vəzifələrinin saxlandığı hallardan başqa ata adı qadının göstərişi ilə verilir. Nikahda olmayan şəxs uşağı övladlığa götürdükdə uşağın soyadı, adı və anasının (atasının) adı doğum haqqında qeydiyyat kitabında həmin şəxsin göstərişi ilə yazılır.

Sadalanan məlumatlar təqdim olunduqdan sonra 6 ay müddətində qüvvədədir:
1.Valideyn himayəsindən məhrum olmuş və övladlığa götürülən uşağın və övladlığa götürmək istəyən şəxsin sağlamlıq vəziyyəti barədə məlumatlar;
2.Övladlığa götürmək istəyən şəxsin təhsili (peşəsi), iş yeri, vəzifəsi barədə məlumatlar;
3.Övladlığa götürmək istəyən şəxsin məhkumluğu barədə məlumatlar;
4.Övladlığa götürmək istəyən şəxsin yaşayış şəraiti, gəlirləri və öhdəlikləri barədə məlumatlar.

Ögey ata-ana övladlığa götürmə zamanı onlar yalnız uçota alınırlar.

Təlimin nəticələri müsbət qiymətləndirildikdə Nazirliyin tabeliyində Sosial Xidmətlər Agentliyi tərəfindən 5 iş günü ərzində və valideyn himayəsindən məhrum olmuş uşağın istək və mənafeyi nəzərə alınmaqla, övladlığa götürülən uşağa uyğun valideyn və valideyn-namizədə uyğun uşaq seçilir və uşağın yerləşdiyi müəssisədə sosial işçinin iştirakı ilə onların görüşü (görüşlərini) təşkil edilir. Uyğunlaşdırma nəticəsində seçilmiş valideyn-namizədlərin uşaqlarla tanışlıq və ailə bağlarının qurulması məqsədilə Agentlik tərəfindən uşağın yerləşdirildiyi müəssisədə iki ay ərzində ayda 40 saatdan az olmamaqla görüşü təşkil olunur. Bu müddət ərzində sosial işçi hər ay ərzində 8 saatdan az olmamaqla valideyn-namizədi müşahidə edir.

Övladlığa uşaq götürmək üçün valideyn namizədlər notariusda ərizə formasını doldurur. Ərizə notariat orqan tərəfindən altsistemə ötürüldükdən sonra valideyn-namizəd övladlığa götürmə ilə bağlı müraciət etmək üçün Nazirliyin “e-Sosial” internet portalında qeydiyyatdan keçməklə öz şəxsi kabinetini yaradır. Valideyn-namizədin ərizədə təqdim etdiyi ailə tərkibində və onunla birgə yaşayan (ümumi ev təsərrüfatına malik) şəxslərin tərkibində, eləcə də faktiki yaşadığı ünvanda dəyişiklik olduqda valideyn-namizəd tərəfindən 10 gün ərzində məlumatlar yenilənməklə bu yeni ərizə notarial qaydada təsdiqlənərək altsistemə ötürülür.

Valideyn-namizədlər övladlığa götürmə prosesi çərçivəsində yaranmış mübahisələrlə bağlı inzibati qaydada və ya məhkəməyə şikayət edə bilərlər.

Azərbaycan Respublikası vətəndaşı olan uşaqları övladlığa götürmək arzusunda olan əcnəbilər və vətəndaşlığı olmayan şəxslər üçün yaşadıqları ölkə üzrə orta aylıq əmək haqqının 2 (iki) mislindən az olmamalıdır.

Ailədə adambaşına düşən orta aylıq gəliri ailə üzvlərinin hər biri üçün (övladlığa götürüləcək uşaq da nəzərə alınmaqla) ölkə üzrə müəyyən olunmuş yaşayış minimumunun məbləğindən (300 manat) az olmamalıdır.

Rəy mənfi olduqda və ya məhkəmə valideyn himayəsindən məhrum olmuş uşağın övladlığa verilməsindən imtina olunması barədə qərar qəbul etdikdə uşaq yerləşdiyi müəssisəyə qaytarılır və həmin müəssisə tərəfindən uşağın reabilitasiyası məqsədilə tədbirlər görülür.

Azərbaycan Respublikası vətəndaşı olan uşağı övladlığa götürmək istəyən əcnəbilər və vətəndaşlığı olmayan şəxslər qaydalarda göstərilən məlumatları (daimi yaşadığı ölkənin mərkəzi orqanından rəy) bilavasitə və yaxud akkreditə edilmiş orqan vasitəsilə kağız və ya elektron daşıyıcılarda Nazirliyin tabeliyində Sosial Xidmətlər Agentliyinə təqdim edirlər.

Uşağı övladlığa götürmək istəyən şəxs (şəxslər) aşağıdakı hallarda Nazirlik tərəfindən uçotdan çıxarılır:
1.Vəfat etdikdə;
2.Müsahibədən övladlığa götürmənin məqsədlərinin uşağın mənafeyinə uyğun olmadığı səbəbindən keçmədikdə;
3.Məcəllədə göstərilən cinayət əməllərinin törədilməsinə görə məsuliyyətə cəlb edildikdə;
4.Məcəllə ilə müəyyən edilən xəstəliklərdən birinə tutulduqda;
5.Barəsində cinayət təqibi üzrə icraat aparılan şəxslər, cinayət təqibi müddətində.

Övladlığa götürən şəxslərə 4-6 yaşında olan övladlığa götürülən uşağa psixoloqun və məsul işçilərin iştirakı ilə övladlığa götürüldüyü barədə məlumat verilməsi tövsiyə olunur.

Övladlığa götürülən uşaqlar aşağıdakı hallarda uçotdan çıxarılırlar:  
1.Vəfat etdikdə;                                                                                       
2.18 yaşına çatdıqda;
3.Valideyn himayəsindən məhrum olumuş uşaqların sosial müdafiəsi haqqında” Azərbaycan Respublikasının Qanununa uyğun olaraq valideyn himayəsindən məhrum olmuş uşaq hesab olunmadıqda.

Azərbaycan Respublikası vətəndaşları üçün təlimlərdə iştirak məcburidir. Əcnəbi və ya vətəndaşlığı olmayan şəxslər öz ölkələrində təlimi keçdiyinə dair sertifikata sahib olduqda təlimə cəlb edilmirlər. Eyni zamanda, bir dəfə təlimdən keçən şəxslər növbəti müraciət zamanı təlimlərdən azad olunurlar.

Valideyn - namizəd uçota alındıqdan sonra 10 iş günü ərzində Nazirliyin tabeliyində Sosial Xidmətlər Agentliyinin valideynlərlə iş üzrə sosial işçisi və uşaqlarla iş üzrə sosial işçisi tərəfindən valideyn-namizədlə onun evində 2 müsahibə keçirilir. Birinci müsahibədə valideynlərlə iş üzrə sosial işçi ümumi tanışlıq məqsədilə valideyn-namizədin həyat şəraiti, maraqları, ailə tərkibi, ailə üzvlərinin övladlığa götürməyə olan münasibətini öyrənmək məqsədilə məlumatlar əldə edir, eyni zamanda övladlığa götürmə prosesi ilə bağlı valideyn-namizədi məlumatlandırır. İkinci müsahibədə isə uşaqlarla iş üzrə sosial işçi valideyn-namizədin maddi-məişət şəraitinin uşağın tələbatına uyğunluğunu yoxlayır.

Müsahibədən uğurla keçən valideyn - namizədlər 10 iş günü ərzində 30 gündən çox olmayaraq davam edən təlimlərə cəlb edilirlər.

1.Vərəm (aktiv və xroniki) - lokalizasiyasından asılı olmayaraq;
2.I, II və V qrup dispanser qeydiyyatında olan xəstələr daxili orqanların, sinir sisteminin, dayaq-hərəkət aparatının xəstəlikləri - dekompensasiya mərhələsində olan xəstələr;
3.Bədxassəli onkoloji xəstəliklər – III və IV mərhələ;
4.Narkomanlıq, toksikomanlıq, xroniki alkoqolizm;
5.İnfeksion xəstəliklər - dispanser qeydiyyatından çıxarılana qədər olan xəstələr;
6.Ruhi xəstəliklər;
7.Məhkəmə qaydasında fəaliyyət qabiliyyəti olmayan və ya məhdud fəaliyyət qabiliyyətli hesab edilən şəxslər.

Ölkə xaricinə övladlığa verilmiş uşaqlara dair rüblük və illik hesabatlar Azərbaycan Respublikasının həmin ölkədəki səfirliyi, səfirlik olmadıqda isə həmin ölkənin müvafiq dövlət qurumu vasitəsilə Nazirliyə təqdim edilir.

Valideyn-namizədlərlə müsahibələrin, təlimlərin keçirilməsi, uşaqla valideyn-namizədin uyğunlaşma prosesi, sınaq müddətində evdə yerləşdirmə və yekunda məhkəmə qərarının verilməsi müddətləri nəzərə alınmaqla 7-8 aya qədər davam edir. Əcnəbilərə münasibətdə və prosesin gedişatından asılı olaraq müddətdə dəyişiklik ola bilər.

Azərbaycan Respublikasının Mülki Prosessual Məcəlləsinin 172.2-ci maddəsinə əsasən övladlığa götürmə barədə işlərə 1 ay müddətində baxılır və həll edilir.

Nikahda olmayan əcnəbilər və vətəndaşlığı olmayan şəxslər (qohumları tərəfindən uşağın övladlığa götürülməsi istisna olmaqla) tərəfindən uşaqların övladlığa götürülməsinə yol verilmir.

10 yaşına çatmış uşaq övladlığa götürüldükdə, onun razılıq verməsi zəruridir. 7 yaşına çatmış uşaq övladlığa götürüldükdə, məhkəmələr tərəfindən onun fikri pedaqoji işçinin və ya psixoloqun iştirakı ilə öyrənilir və nəzərə alınır.

Bilə-bilə təhrif olunmuş və ya düzgün olmayan məlumat təqdim etmiş övladlığa götürmək istəyən şəxslər Əmək və Əhalinin Sosial Müdafiəsi Nazirliyi tərəfindən 1 (bir) il müddətində övladlığa götürmənin bu Məcəllənin 118.1.2-ci maddəsində nəzərdə tutulan mərhələsindən kənarlaşdırılırlar.

Qəyyumluqda (himayədə) olan uşaqların övladlığa götürülməsi üçün qəyyumlarının (himayəçilərin) notariat qaydasında təsdiq olunmuş yazılı razılığı olmalıdır. Həmçinin sosial xidmət müəssisələrində yerləşdirilmiş uşaqların övladlığa götürülməsi zamanı müəssisə rəhbərlərinin həmin uşaqlarla bağlı fikri öyrənilir.

Uçot elektron qaydada həyata keçirilir. Övladlığa uşaq götürmək üçün valideyn namizədlər notariusda ərizə formasını doldurur. Ərizə notariat orqan tərəfindən altsistemə ötürüldükdən sonra valideyn-namizəd övladlığa götürmə ilə bağlı müraciət etmək üçün Nazirliyin “e-Sosial” internet portalında qeydiyyatdan keçməklə öz şəxsi kabinetini yaradır. Valideyn-namizədin ərizədə təqdim etdiyi ailə tərkibində və onunla birgə yaşayan (ümumi ev təsərrüfatına malik) şəxslərin tərkibində, eləcə də faktiki yaşadığı ünvanda dəyişiklik olduqda valideyn-namizəd tərəfindən 10 gün ərzində məlumatlar yenilənməklə bu yeni ərizə notarial qaydada təsdiqlənərək altsistemə ötürülür.

Monitorinqlər nəticəsində övladlığa götürənlər onlara həvalə edilmiş valideynlik vəzifələrini yerinə yetirmədikdə, valideynlik hüquqlarından sui-istifadə etdikdə, övladlığa götürülən uşağa qəddar münasibət bəslədikdə, alkoqolik və narkoman olduqda və digər bu kimi hallar müəyyən edildikdə məhkəmə qaydasında övladlığa götürmənin ləğvi üçün tələb irəli sürülür. Məhkəmə tərəfindən övladlığa götürmənin ləğvi barədə qərar qəbul edildikdən sonra uşaq  Nazirliyin tabeliyində Sosial Xidmətlər Agentliyi tərəfindən dərhal müəssisəyə yerləşdirilir və bu Qaydaların 11-ci hissəsinə uyğun olaraq uşaqla bağlı reabilitasiya tədbirləri görülür.

1.Fərdi məlumatlar (adı, soyadı, ata adı, cinsi, doğum tarixi, doğulduğu yer, FİN-i);
2.Yaşayış yeri, o cümlədən faktiki yaşadığı yer (ünvan);
3.Vətəndaşlığı;
4.Özü və onunla bir yerdə yaşayan şəxslərin övladlığa götürülməsinə imkan verməyən xəstəliklərin olub-olmamasına dair sağlamlıq haqqında arayış və ixtisaslaşdırılmış psixiatriya müəssisəsinin rəyi;
5.Ailə vəziyyəti barədə məlumat;
6.Nikah və ya nikahın pozulması haqqında şəhadətnamənin nömrəsi və tarixi;
7.Himayəsində olan uşaqların sayı;
8.Təhsili (peşəsi), iş yeri, vəzifəsi barədə məlumatlar;
9.Ailə Məcəlləsinin 120.1.8-ci maddəsinin tələbləri çərçivəsində, əmək haqqı və başqa gəlirləri barədə məlumat (o cümlədən, son 12 aylıq dövr üçün bank hesabından çıxarış, mülkiyyətində olan Daşınmaz əmlak və nəqliyyat vasitələri barədə məlumat;
10.Özü və onunla bir yerdə yaşayan şəxslərin Ailə Məcəlləsinin 120.1.6-cı maddəsində göstərilən cinayətlərlə bağlı məhkumluğuna dair məlumatlar (məhkəmənin qanuni qüvvəyə minmiş Hökmünün tarixi, cəzanın növü, müddəti, habelə azad edilmə tarixi, azad edilmə üçün əsas);
11.Özü və onunla bir yerdə yaşayan şəxslərin aliment, kredit və digər maliyyə öhdəlikləri barədə məlumat;
12.Öz qohumunu (bacısı, qardaşı, nəvəsi, qardaşının və ya bacısının övladı, valideynlərinin bacısı və ya qardaşının övladları) övladlığa götürdükdə – qohumluq əlaqələrinin təsdiqi barədə sənəd;
13.Əcnəbilərə və vətəndaşlığı olmayan şəxslərə münasibətdə – müvəqqəti və ya daimi yaşamaq üçün icazə vəsiqəsi üzrə məlumatlar (nömrəsi, verilmə tarixi, etibarlılıq müddəti, verilmə əsası).

Övladlığa götürüləcək uşağın yaşadığı rayon (şəhər) məhkəməsi üzrə həyata keçirilir.

Uşaq Azərbaycan Respublikasının hüdudlarından kənarda yaşayan valideyn-namizədin (namizərlərin), o cümlədən əcnəbi və ya vətəndaşlığı olmayan valideyn-namizədlərin ailəsində sınaq müddətində həmin şəxslərin Azərbaycan Respublikasında mülkiyyətində yaşayış sahəsi olduğu hallarda həmin yaşayış sahəsində, Azərbaycan Respublikasında mülkiyyətində yaşayış sahəsi olmadığı halda isə Azərbaycan Respublikasının Miqrasiya Məcəlləsinə uyğun olaraq olduqları yer üzrə qeydiyyata alındıqdan sonra həmin yerlərdə yerləşdirilir.

1.Məhkəmə tərəfindən fəaliyyət qabiliyyəti olmayan və ya məhdud fəaliyyət qabiliyyətli hesab edilən şəxslər;
2.Məhkəmə tərəfindən valideynlik hüquqlarından məhrum edilmiş və ya valideynlik hüquqları məhdudlaşdırılmış şəxslər;
3.Qanunla üzərinə qoyulan vəzifəni yerinə yetirmədiyinə görə qəyyum və ya himayəçi vəzifələrindən kənarlaşdırılmış şəxslər;
4.Əvvəllər məhkəmə tərəfindən təqsirkar bilinərək bu hüququ ləğv edilmiş şəxslər;
5.Səhhətinə görə valideyn vəzifələrini həyata keçirə bilməyən şəxslər;
6.Məhkumluğun götürülməsi və ödənilməsi nəzərə alınmadan, sülh və insanlıq, ictimai təhlükəsizlik və ictimai mənəviyyat əleyhinə, həyat və sağlamlıq, şəxsiyyətin azadlığı və ləyaqəti, şəxsiyyətin cinsi toxunulmazlığı və cinsi azadlığı əleyhinə, yetkinlik yaşına çatmayanlar və ailə münasibətləri əleyhinə qəsdən törədilən ağır və ya xüsusilə ağır cinayətlərə görə məhkum olunmuş şəxslər və bu cinayətləri törətdiyinə görə barəsində cinayət təqibinə bəraətverici əsaslar olmadan xitam verilmiş şəxslər;
7.Barəsində cinayət təqibi üzrə icraat aparılan şəxslər, cinayət təqibi müddətində;
8.Ailədə adambaşına düşən orta aylıq gəliri ailə üzvlərinin hər biri üçün (övladlığa götürüləcək uşaq da nəzərə alınmaqla) ölkə üzrə müəyyən olunmuş yaşayış minimumunun məbləğindən (Azərbaycan Respublikası vətəndaşı olan uşaqları övladlığa götürmək istəyən əcnəbilər və vətəndaşlığı olmayan şəxslər üçün yaşadıqları ölkə üzrə orta aylıq əmək haqqının 2 (iki) mislindən) az olan şəxslər (ögey ata (ögey ana) və qohumlar (bacı-qardaş, nənə-baba, valideynlərinin bacıları, qardaşları, onların övladları) istisna olmaqla).

Qohumların siyahısına bacı-qardaş, nənə-baba, valideynlərin bacı və qardaşları həmçinin onların övladları daxildir.

Həmin şəxslər Azərbaycan Respublikası vətəndaşlarından olan qohumunu övladlığa götürmək istəyən şəxslərə bərabər tutulur. Daimi yaşadığı ölkədən rəy alaraq Nazirliyin tabeliyində Sosial Xidmətlər Agentliyinə təqdim edir.

Uşağın övladlığa verilməsi zamanı nikahda olan şəxslərə (azı 3 il (yaşı 35-dən yuxarı olan ər-arvad üçün 1 (bir) il) müddətində nikahda olan Azərbaycan Respublikasının vətəndaşlarına və azı 5 (beş) il müddətində nikahda olan əcnəbilər və vətəndaşlığı olmayan şəxslərə), habelə yuxarı yaş həddi 55-dək olan şəxslərə üstünlük verilir.

1.Yetkinlik yaşına çatmış hər iki cinsdən olan;
2.Evli və ya subay, ən azı ümumi orta təhsili olan;
3.Sağlamlıq vəziyyəti qanunvericliklə nəzərdə tutulmuş tələblərə cavab verən;
4.Ağır və ya xüsusilə ağır cinayətlərə görə məhkumluğu olmayan;
5.Azərbaycan Respublikasının ərazisində daimi yaşayan;
6.Ailədə adambaşına düşən orta aylıq gəliri ailə üzvlərinin hər biri üçün yaşayış minimundan az olmayan;
7.Yaşayış sahəsinin adambaşına düşən ümumi sahəsi qanunla müəyyən edilmiş yaşayış sahəsinin ayrılma normasından az olmayan.

1.Himayədar valideyn olmaq istəyən şəxslərin uçota alınması;
2.Himayədar ailəyə verilmənin uşağın mənafeyinə uyğunluğunun müəyyən olunması;
3.Nazirlik ilə himayədar valideyn olmaq istəyən şəxslər arasında müqavilənin bağlanması.

1.Himayədar valideyn olmaq istəyən şəxslərlə müsahibə aparılır;
2.Onların maddi-məişət şəraiti müayinə edilir;
3.Təlimlərə cəlb olunurlar;
4.Himayədar valideyn olmaq istəyən şəxslərə uyğun uşaqların və himayədar ailəyə veriləcək uşağa uyğun himayədar valideyn olmaq istəyən şəxslərin seçimi aparılır.

1.Əmək və Əhalinin Sosial Müdafiəsi Nazirliyinin müvafiq təlimlərində iştirak etmək;
2.Uşağı tərbiyə etmək, fiziki, psixi mənəvi-əxlaqi inkişafı və sağlamlığının qeydinə qalmaq;
3.Sosial işçilərin uşaqla bağlı monitorinqlərin aparmasına və Nazirliyin razılığı ilə uşağın öz ailəsi və qohumları ilə ünsiyyətinə şərait yaratmaq;
4.Uşaqla bağlı hazırlanmış fərdi inkişaf planlarının uğurlu icrası üçün Nazirliklə əməkdaşlıq etmək;
5.Uşaqla birgə ölkə xaricinə getmək zərurəti yarandıqda Nazirliyin rəsmi razılığı almaq;
6.Uşağa mövsümi geyim alınması üçün verilmiş müvinəti təyinatı üzrə istifadə etmək və bu baradə təsdiqedici sənədləri Nazirliyə təqdim etmək;
7.Təyinatı üzrə istifadə etmədikdə müavinəti geri qaytarmaq.

1.Müqavilənin müddəti başa çatdıqda;
2.Himayədar ailə olmaq istəyən şəxslərin həyat şəraitində baş vermiş dəyişikliklər ilə əlaqədar (xəstəlik və ailə vəziyyətinin dəyişməsi, gəlirləri, uşaqla anlaşmanın olmaması və s) onların müraciətləri olduqda;
3.Himayədar valideynlər və ya himayədar ailəyə verilmiş uşaq vəfat etdikdə;
4.Müqavilənin birtərəfli qaydada ləğvi üçün əsaslar olduqda.

1.Himayədar ailə müqavilə əsasında yaradılır və müvəqqəti xarakter daşıyır;
2.Himayədar ailəyə verilən uşaq həmin ailənin varisi sayılmır və vərəsəlik hüququ yaratmır;
3.Himayədar valideyn (və ya valideynlər) uşaqların qanuni nümayəndəsi hesab edilmir.

Himayədar valideyn olmaq istəyən nikahda olmayan şəxslə himayəyə verilən uşağın yaş fərqi 18-dən az olmamalıdır.

7 yaşına çatmış uşaq himayədar ailəyə onun fikri nəzərə alınmaqla, 10 yaşı tamam olmuş uşaq isə yalnız öz razılığı alındıqdan sonra himayədar ailəyə verilir.

Valideyn himayəsindən məhrum olmuş uşaqların müvəqqəti və ya uzunmüddətli dövrdə ailə şəraitində böyüməsi üçün yaradılan ailə institutudur.

Ailə mühitində uşaqlar daha çox sevgi, fərdi qayğı və sosial bacarıqlar qazanırlar. Uşaq evlərində isə uşaqlar kütləvi sistemdə böyüyür və fərdi inkişaf çətinləşir.

Uşaq dövlətin himayəsində qalır. Əgər bioloji valideynlər geri götürmürsə və övladlığa verilmirsə, yetkinlik yaşına çatana qədər himayədar ailədə qala bilər.

Uşaq başqa himayədar ailəyə, ya uşaq evinə yerləşdirilir, ya da bioloji ailəsinə qaytarılır.

Uşağın sağlam mühitdə böyüməsini təmin etmək, onun təhsilini, tərbiyəsini və sosial adaptasiyasını dəstəkləmək.

1. Ailə mühitində böyümək;
2. Psixoloji dəstək və sevgi hissi;
3. Təhsil və sosial bacarıqların inkişafı;
4. Cəmiyyətə daha yaxşı uyğunlaşma.

Xeyr, övladlığa götürülmə ilə uşağın əvvəlki valideynləri ilə hüquqi əlaqəsi qapanır.

Hər uşaq üçün 240  AZN

Hər uşaq üçün 600  AZN

Hər iki valideyni vəfat etmiş 18 yaşınadək olan şəxslər.

Hər iki valideyni aşağıda qeyd olunan kateqoriyaların hər hansı birinə aid olan:

1. Məlum olmayan;
2. Valideynlik hüquqlarından məhrum edilən və ya valideynlik hüquqları məhdudlaşdırılan şəxslər;
3. Xəbərsiz itkin düşmüş, fəaliyyət qabiliyyəti olmayan (fəaliyyət qabiliyyəti məhdudlaşdırılan) hesab edilən, ölmüş elan edilən şəxslər;
4. Cəzaçəkmə müəssisələrində cəzasını çəkən şəxslər;
5. Uşaqlarının tərbiyə edilməsindən və ya onların hüquq və mənafelərinin müdafiəsindən imtina edən şəxslər;
6. Uşaqlarını uşaqlar üçün sosial xidmət müəssisələrindən götürməkdən imtina edən şəxslər;
7. Qanunla nəzərdə tutulmuş qaydada digər hallarda valideyn himayəsindən məhrum hesab edilən 18 yaşınadək şəxslər;
8. Bir valideyni vəfat etmiş və o biri valideyni orqanizmin funksiyalarının 61-100 faiz pozulmasına görə əlilliyi müəyyən edilmiş şəxs və ya yuxarıda nəzərdə tutulan kateqoriyaların hər hansı birinə aid şəxs olan 18 yaşınadək şəxslər.
 

Valideyn himayəsindən məhrum olmuş uşaqların müəssisəyə yerləşdirilməsi üçün "e-social" internet portalının "e-Xidmətlər" bölməsində "Övladlığagötürmə və valideyn himayəsindən məhrum olmuş uşaqlar sahəsində göstərilən xidmətlər" xidməti seçilir və "Valideyn himayəsindən məhrum olmuş uşaqların hüquqlarının müdafiəsi, valideyn himayəsindən məhrum olmuş uşaqlar üçün müəssisələrə yerləşdirilməsi və həmin müəssisələrdən götürülməsi ilə bağlı müraciətlərin qəbul edilməsi" hissəsinə daxil olunaraq müraciət formalaşdırılır.

Uşağın himayəsini qohumları və ya qəyyum təyin edilmiş şəxslər üzərinə götürə bilmirsə, uşaq dövlətin himayəsinə verilir və uşaq evi, internat məktəbi və ya sosial xidmət müəssisəsinə yerləşdirilir.

Uşaq ailəyə qaytarılana, övladlığa götürülənə və ya 18 yaşı tamam olana qədər müəssisədə qala bilər.Təhsilini davam etdirən uşaqlar isə təhsili başa çatana qədər dövlət təminatında saxlanılır.